主页 > E生活邦 >一家大细 Party Room 激玩赛车、VR @Miss >

一家大细 Party Room 激玩赛车、VR @Miss

发布时间:2020-06-14   浏览量:960   

 

(Presented by Blackroom)

摄影:Fion

新年好多人都锺意团拜,成班亲戚有大有细廿几卅人,「团拜去边个屋企?」就成为每年必问嘅问题!但係一般家庭离不开土地问题,开得张麻雀枱嚟,其他人又无地方玩。今年我Miss Sunny就同亲戚提出包场去 party room 玩半日, 铜锣湾 嘅Blackroom就啱晒住喺唔同区嘅亲戚喇!呢度劲多嘢玩,好多都係出面 party room 冇或少见,例如动感赛车机、VR、荧光波波池、巨型层层叠、篮球机,唔讲以为将「XX乐园」搬咗嚟!最重要係全年无休,一连4日新年假有着落啦!

铜锣湾 劲就脚 Party Room

一般 party room 都係位于工厦,交通未必好就脚,而且玩到夜,走嘅时候又唔太方便。Blackroom坐落 铜锣湾 Sogo旁边,交通超方便之余,落街食嘢、买嘢选择劲多劲方便,有friend随时想join又得!

一家大细 Party Room 激玩赛车、VR @Miss
好少 party room 会设于闹市,Blackroom就喺 铜锣湾 Sogo附近,交通劲方便,落街食嘢选择又多。

大细路必玩赛车、VR

即睇有咩玩,除咗PS4、Wii、飞镖、board game呢啲基本嘢,呢度仲有近期hit爆嘅VR(坊间唔多 party room 提供),仲未玩过的话,呢度就有得玩喇!最估佢唔到係,竟然有动感赛车机,呢部游戏机由澳洲引入,坐椅会随住赛车情况郁动,好有刺激感,幻想下班姨妈姑姐激玩赛车机都几过瘾,哈哈!人咁高嘅巨型层层叠劲搞笑,亦係必玩,啱晒Kidult!新年梗係要打番两圈啦,Blackroom亦有麻雀招呼长辈,仲有50吋大电视、projector可以睇戏、煲剧,放心!

一家大细 Party Room 激玩赛车、VR @Miss
潮玩动感驾驶赛车机,不妨叫姨妈姑姐挑战下!
一家大细 Party Room 激玩赛车、VR @Miss
仲未玩过VR?呢度可以俾你打丧尸同怪兽(需预早book同加钱)。
一家大细 Party Room 激玩赛车、VR @Miss
1.5米高嘅巨型层层叠,大人细路一齐玩,肯定笑到傻。
一家大细 Party Room 激玩赛车、VR @Miss
记唔记得奖门人个吹波波游戏?Blackroom专登搵人订造返嚟㗎。
一家大细 Party Room 激玩赛车、VR @Miss
篮球机唔使入coin,你随时可以入樽入番够本。

小朋友一定唔会闷

如果有小朋友,超梦幻嘅荧光波波池佢地实锺意。专程在日本订造嘅木製街机,细路应该会觉得陌生又新奇,大朋友见到肯定劲有feel,读书时1蚊跟机回忆番晒嚟!

一家大细 Party Room 激玩赛车、VR @Miss
波波池会发出蓝色、紫色、绿色嘅荧光,超梦幻。
一家大细 Party Room 激玩赛车、VR @Miss
波波池会发出蓝色、紫色、绿色嘅荧光,超梦幻。
一家大细 Party Room 激玩赛车、VR @Miss
日本订造嘅木製街机,够晒怀旧味道,街头味十足。
一家大细 Party Room 激玩赛车、VR @Miss
Blackroom特设game room,有soccer table、projector同梳化,边玩、边听歌睇MV、吹水几正。
一家大细 Party Room 激玩赛车、VR @Miss
数十款board game任玩,细路一定唔会闷。

3间主题特色房

Blackroom有3间主题 party room ,每间可容纳50人,玩意、设备略有不同。入到去每间房环境都好阔落舒服,空间感充足,最正係有特大玻璃窗或者露台,同亲戚朋友倾下偈够晒自在。

食嘢方面,唔使担心,Blackroom可以帮你柯打到会;又有电池炉、微波炉、雪柜提供,新年买盆菜开住party食都几正!

一家大细 Party Room 激玩赛车、VR @Miss
环境够晒阔落,空间感十足,容纳数十人绝无问题,又有bean bag坐地下,感觉几chill。
一家大细 Party Room 激玩赛车、VR @Miss
出露台抖抖气都好舒服。
一家大细 Party Room 激玩赛车、VR @Miss
其中一间房设特大玻璃窗,透光度十足。

 

Blackroom

地址:铜锣湾 骆克道508号2-3楼(铜锣湾站C出口)

电话:9179 0667、6687 1581

开放时间:24小时,全年无休(须预约)

最低消费:每人最少3小时,星期一至四10位起;星期五至日、公众假期及假期前夕14位起(3岁或以下免费;10岁或以下半价)

网址

Facebook

上一篇: 下一篇: